TAARIFA YA MSIBA

Mhashamu Askofu Izaac Amani wa jimbo katoliki la Moshi kwa masikitiko na huzuni kubwa, anatangaza kifo cha mheshimiwa sana padre FABIAN NDERUMAKI, padre wa jimbo katoliki la Moshi.

Padre Fabian Nderumaki alifariki dunia jana saa nne usiku.

Padre Nderumaki hadi mauti yanamfika alikuwa ni Paroko wa Parokia ya Himo jimboni Moshi.

Kabla ya kuteuliwa na baba askofu kuwa paroko wa Himo, padre Fabian Nderumaki alikuwa Gombera (Rector) wa seminari ndogo ya Mtakatifu Yakobo-Kilema (St. James Seminary)

Tunatoa pole kwa familia, ndugu jamaa, marafiki, wote waliofanya naye kazi seminari ya St. James na waumini wote ambao Padre Fabian Nderumaki amewahi kuwahudumia katika parokia zao kama padre enzi za uhai wake. Pia kwa mapadre, watawa na wote waliowahi kufanya nae kazi 

Bwana ametoa na Bwana ametwaa, jina la Bwana libarikiwe milele na milele, AMINA.

ROHO YA MAREHEMU PADRE FABIAN NDERUMAKI IPATE REHEMA KWA MUNGU, APUMZIKE KWA AMANI.

R.I.P OUR BELOVED REV. FATHER FABIAN NDERUMAKI