Ya Mungu mengi : MAKAMU WA RAIS DK.BILAL, MKUU WA MKOA WA DAR NA KAMANDA KOVA WANUSURIKA KATIKA AJALI YA HELIKOPTA.Soma hapa

Makamu wa rais wa Tanzania, Dk. Mohammed Ghalib Bilal amenusurika katika ajali ya ndege aina ya helikopta iliyotokea katika uwanja wa ndege wa kimataifa wa Mwalimu Julius Kambarage Nyerere wakati walipokuwa wakikagua athari za mvua katika mkoa wa Dar es salaam.

Pichani ni ndege aliyopata nayo ajali makamu wa Rais baada ya kuanguka katika uwanja wa JNIA huku kikosi cha zimamoto kikijaribu kuzima moto wa ndege hiyo

Habari zinasema kuwa helikopta hiyo inayomilikiwa na jeshi la wananchi wa Tanzania, ilikuwa imebeba watu 4  akiwemo makamu wa rais Dk Bilal, mkuu wa mkoa wa Dar es salaam Said Mecky Sadick, kamanda wa polisi wa kanda maalum Dar es salaam ‘Suleiman Kova’ pamoja na mpiga picha wa TBC George Kasembe.
Helikopta hiyo ilipata ajali wakati ikianza kuruka hewani lakini ikashindwa kuendelea kupaa na kuanguaka. Hakuna mtu aliyepoteza maisha, zaidi ya kupata majeraha madogo madogo ambayo waliweza kupatiwa matibabu.