kuzisha hati Milioni moja wakimbia machafuko Sudan Kusiniwa

Umoja wa Mataifa umetoa tahadhari mpya kuhusiana na kuzidi kuwa mbaya hali ya kibinadamu huko Sudan Kusini huku mapigano yakizidi kushtadi kati ya vikosi vya serikali na vile vya waasi watiifu kwa Makamu wa zamani wa Rais wa nchi hiyo Riek Machar.

 Ofisi ya Umoja wa Mataifa ya Uratibu wa Masuala ya Kibinadamu (OCHA) imeeleza katika ripoti yake kuwa zaidi ya watu milioni moja wamebaki bila makazi tangu vita na machafuko yalipozuka nchini humo mwezi Disemba mwaka jana.

  “Katika muda wa siku 100 tangu ulipoanza mgogoro nchini Sudan Sudan, zaidi ya watu milioni moja wameyakimbia makaazi yao”, imeongeza ripoti hiyo ya OCHA.

 Ripoti hiyo aidha imefafanua kwamba licha ya usitishaji vita uliotangazwa mwezi Januari, mapigano makali yangali yanaendelea kati ya vikosi vya serikali na vile vya upinzani katika maeneo kadhaa yakiwemo majimbo ya Jonglei, Unity na Upper Nile.

 Umoja wa Mataifa umeonya pia kupitia ofisi yake ya uratibu wa masuala ya kibinadamu kuhusu kuzidi kuwa mbaya hali ya usalama wa chakula katika maeneo ya mgogoro. Kwa mujibu wa ripoti ya OCHA watu wasiopungua milioni tatu na laki saba wanakabiliwa na hatari ya kukosa chakula.

 Maelfu ya watu wameuawa na wengine wengi kubaki bila makaazi kutokana na mapigano ya zaidi ya miezi mitatu kati ya vikosi vya serikali ya Sudan Kusini na vile vya waasi watiifu kwa Makamu wa zamani wa Rais wa nchi hiyo Riek Machar…/