ILI KUIMARISHA ULINZI BUTIAMA MAKACHERO WAONGEZWA...Soma hii....

Jeshi la Polisi nchini, limesema kuwa limeimarisha ulinzi kwa kuweka kituo chenye Askari na vifaa vya kufanya kazi katika kata ya Mgambo wilayani Butiama, katika mkoa wa Mara kufuatia mauaji ya wanawake yaliyotokea katika wilaya hiyo.

Aidha Jeshi hilo limepeleka makachero wa kutosha wilayani humo, ili kusaidia upatikanaji wa taarifa za uhalifu na kuendelea kuwakamata wahalifu ili waweze kufikishwa katika vyombo vya sheria.

Mkurugenzi wa upelelezi wa makosa ya jinai nchini (DCI), Issaya Mungulu, akiwa katika ziara ya kupata taarifa sahihi za mauaji ya wanawake, yanayotishia maisha ya wananchi katika mkoa huo amesema wamejizatiti katika eneo hilo, ambapo amewahakikishia wananchi kuwepo kwa usalama wakati wakiendelea na upelelezi.

DCI Mungulu, amesema, Jeshi la Polisi litaendelea kukamata wahatuhumiwa na wauaji, kwa kuongeza idadi ya Askari na kuimarisha hali ya upelelezi kwenye oparesheni hiyo ‘oparesheni maalum’ ya wilaya hiyo.

Amewataka wananchi kuendelea na shughuli za uchumi, kikiwemo kilimo kwa kushirikiana na watu mbalimbali, kuliko mtu ‘mmoja’ hali inayohatarisha usalama wa maisha ya wanawake wilayani humo.

Katika kipindicha januari hadi sasa wanawake tisa (9) wameuwawa, katika kata zaVugango,Itaro Nyakatale, na Vejina huku watuhumiwa wengine (22) wakiwa wametiwambaroni wakihusishwa na matukio ya mauaji ya kuua wanawake na kuwanyongawanapokuwa katika shughuli za kijamii.